اولا مبروك يا حاتم على القسم العفريتى
وبجد برافو على الفكره
1_ لو طلع لك عفريت في يوم هاتعمل ايه؟
هاصوت طبعا ويمكن اعيط كمان
2_ لو حسيت ان في عفريت موجود في المكان اللى انت فيه هاتعمل ايه؟
هاجرى وانا بقرأ قران
3_ لو حد قالك انك ملبوس هاتتصرف ازاي؟
ولا حاجه خالص هاقرا قرأن واصلى واتوكل على الله
4_ كنت ماشي في حته ظلمه ولاقيت خيال خلاك اترعبت ولا تقدر ترجع ولا تقدر تكمل وهاتموت من الخوف ؟
هاموت من الخوف هى دى محتاجه سؤال
بس انا عندى الجرأه انى ابص واتاكد ايه الخيال ده
يعنى مش هاترعب من غير ما اعرف ده ايه فى الاول
5_ تخيل كده انت ماشي دلوقتي في حته ظلمه وفجئه طلع عليك خفاش هاتصرخ ولا هاتموت من الفزعه ولا هايجري لك ايه؟
يا استاذ حاتم فى حكمه مشهوره جدا
لفليسوف انا مش عارفه اسمه بتقول
ان الجرى نص الجدعنه واحيانا بيكون الجدعنه كلها
6_ لو وانت قاعد دلوقتي بتقرا الاسئله دي وبتبص في الشاشه اوي فجئه وانت بتبص شفت فيها ان حد واقف وراك هاتعمل ايه؟
هاصرخ بس انا علشان ارد على الاسئله دى حجزت اختى جنبى
7_ لو كنت في البيت لوحدك والدنيا ليل وفي عز الشتا والنور قطع عليك والكلاب في كل حته في الشارع وصوتها يخوف هاتعمل ايه؟
لا أنا مش بخاف اما النور يقطع سمر هى اللى بتخاف
وبعد ثانيه واحده الاقيها واقفه تنده علشان حد ينزل يخدها
من على السلم
8_ خرجت تروح تصيف واجرت شقه وطلعت مسكونه وبيضهر لك فيها عفاريت وماتقدرش تاخد غيرها لان الفلوس مش هاتكفي هاتتصرف ازاي وانت ماتقدرش تنام الليل؟
هارجع فى اول قطر وبناقص سنه من غير مصيف
9_ اخدت شقه جديده وسكنت وارتحت فيها واكتشفت بعد مابقت تحصل حاجات غريبه في البيت ان الشقه دي كانت فيها قتيل؟
لالا عادى خالص هاشغل قران لكن مش هاسيب الشقه
بس مش هانام فيها لوحدى ابداااا
10_ اشتريت عربيه وطلع ان واحد كان مقتول فيها؟
هما المقتولين دول مفيش وراهم غيرى
عموما انا شايفه ان حكايه مقتول دى مبقتش تخوف
لان دلوقتى كل شارع فيه واحد او اتنين مقتولين
11_ لو انت في رحله وبتاخد صوره لحد من صحابك وبعد تحميض الفيلم لاقيت خيال غريب في الصورة والمفاجئة انه عفريت هاتعمل ايه؟
مش هاروح الحته اللى كنت بصور فيها اصحابى تانى
12_ قالولك ان البيت ده مسكون تعالا ندخله هاتدخل ولا لا؟
لا طبعا
13_ دخلت البيت المسكون دلوقتي ولاقيت حاجات مرعبه بتحصل زي مايكون حد جنبك وقلبك بيدق بسررررعه ورجلك مش شايلاك وخيالات رايحه جايه وبيبان بتتقفل وتتفتح وفجئه تلاقوا عفريت وراكم والكل يصرخ ويجري من ناحيه ويسيبوك لوحدك في البيت المسكون هاتتصرف ازاي وانت مش عارف ازاي تخرج؟
هاصرخ لغايه ما يغمى عليه وربنا يبعت
لى حد ابن حلال يخرجنى
14_ احكي لنا عن موقف مع العفارين حصل لك وعمرك ماتنساه؟
ايه
السؤال ده بتتكلم عن العفاريت كأنهم كانوا اصحابى فى ابتدائى الحقيقه انا عمرى ما حصلى موقف مع العفاريت
15_ شفت حد ملبوس قبل كده؟
أه 16_ عرفت ان المكان ده في قتيل والفضول هايموتك عشان تخش تتفرج هاتقدر ولا لا؟
هادخل بس اكيد هافضل بعدها مرعوبه
17_ تقدر تروح بيت مسكون وتقعد فيه لوحدك يوم كامل؟
هههههههههههههممكن اخد خطيبى معايا ؟؟؟؟؟؟؟؟؟؟18_ سمعت قبل كده اصوات خوفتك ؟ امتي ؟ وفين؟
اه فى البيت بتاعنا القديم قبل ما ننقل كنت دايما بسمع صوت حد طالع على السم واما افتح الباب ماكنتش بلاقى حد ده اتكرر كتير اوى 19_ حصل في عمارتكم جريمه قتل فظيعه مجزرة بمعنه الكلمه وعيله اتقتلت واتقطعت فيها هاتقدر تسكن تانى فيها ؟ وهايبقي احساسك ايه وانت راجع بالليل والدنيا ظلمه وطالع السلالم بالراحه كده وتعدي علي باب الشقه اللى كانت فيها المجزره؟
ههههههههههههههههههههوالله يا حاتم لو الظروف تمام وسهل اننا نعزل هاسيب البيت طبعا لكن لو الظروف زى دلوقتى هاصحاب العفاريت واعزمهم على العشاء 20_ تقدر تروح الاماكن دي بالليل لوحدك ومن غير اى وسيله اتصال بالناس :_
1_ المقابر
لالا بس مش علشان هاخاف من العفاريت ولا من الاموات لا انا هاخاف من الناس اللى عايشه احسن حد منهم يطلع لى ودول بقوا يخفوا اكتر من العفاريت 2_ جبل في منطقة بعيده
لا برضو لنفس السبب اللى فات 3_ تبقي في مركب في عرض البحر
لوحدى؟؟؟؟؟؟؟؟؟صعب برضو 21_ انت خواف بنسبه كام في الميه؟
70%22_ ايه رايك في الصوره دي
حسبى الله ونعمه الوكيل
ده انا داخله انام
23_ ايه اكتر فيلم رعب بتحبه؟لا مش فاكره اسمه خالص هو تقريبا اسمه اجازه الصيف الماضى حاجه كده هو فيلم جزئين بس حلو اوى شكرا حاتم على مجهودك ومبروك مره تانيه على الباب الجديد واسمع نصحيتى وخلى الموضوعات دى الصبح
اليوم في 0:24 من طرف 
موضوع: اسئله عفاريتي مستنياك في بيت الرعب -لازم تجاوب 
والشروط هي :_ 
اهلا بيكم في بيت الرعب 
