فضفضه
ارجو من زوارنا الكرام التسجيل في منتدي فضفضه



فضفضه موقع عربى متكامل
 
البوابةالرئيسيةدردشة الاعضاءالمجموعاتالتسجيلدخولطرائف فضفضه
بحـث
 
 

نتائج البحث
 
Rechercher بحث متقدم
المواضيع الأخيرة
أفضل 10 أعضاء في هذا المنتدى
سمر - 8530
 
ابو حنفى - 5968
 
جنه - 5171
 
gana - 4139
 
نورا - 3362
 
renaad - 2830
 
ايناس - 2451
 
البحارمندي - 2113
 
نيرفين - 1964
 
Admin - 1864
 
المتواجدون الآن ؟
ككل هناك 8 عُضو متصل حالياً :: 0 عضو مُسجل, 0 عُضو مُختفي و 8 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 110 بتاريخ الأحد 21 نوفمبر - 15:55
الإبحار
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث

شاطر | 
 

  قانون الطوارئ مستمر حتى يونيو 2012 واهم التعليقات علي القانون

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جنه
المشرفه العامه
المشرفه العامه
avatar

7
انثى عدد الرسائل : 5171
تاريخ الميلاد : 17/01/1977
العمر : 40
تاريخ التسجيل : 02/06/2008

مُساهمةموضوع: قانون الطوارئ مستمر حتى يونيو 2012 واهم التعليقات علي القانون   الإثنين 12 سبتمبر - 19:40





قال اللواء ممدوح شاهين، عضو المجلس الأعلى للقوات المسلحة، إن قانون الطوارئ مستمر حتى يونيو 2012، لأن "الحالات التى تحدث حالياً من الممكن إدراجها تحت بند الإرهاب".

وأضاف شاهين، خلال مداخلة هاتفية لبرنامج "الحياة اليوم"، الذى يقدمه الإعلاميان لبنى عسل وشريف عامر على قناة "الحياة1"، أنه سيتم تطبيق قانون الطوارئ الآن حتى لا نلجأ للاعتقال، وهناك ضمانات كافية لتطبيق قانون الطوارئ.

وأوضح شاهين، أن حق الاعتقال للشرطة المدنية قائم، وأن القانون يطبق على البلطجية والخارجين على القانون، وأتمنى أن يعود البلد إلى الاستقرار.

اهم التعليقات


1

اللهم صلي علي النبي


بواسطة: العب
بتاريخ: الإثنين، 12 سبتمبر 2011 - 04:24

هما لسه قاعدين ل 2012


2

نعم لقانون الطوارئ


بواسطة: الجبالى
بتاريخ: الإثنين، 12 سبتمبر 2011 - 04:27

افضل حاجه عملتوها مع الشعب الفرعونى


3

الشعب الفرعونى


بواسطة: الجبالى
بتاريخ: الإثنين، 12 سبتمبر 2011 - 04:37

احسن حاجه ويريت تخلو قا نون الطوارئ دا على طول علشان الشعب دا ماينفعش معاه غير كدا


4

ياناس


بواسطة: FAREID
بتاريخ: الإثنين، 12 سبتمبر 2011 - 04:37

ياناس حرام عليكم مش كفايه 30 سنه عوزين ايه تانى هو لازم قانون زفت


5

الى رقم (1)


بواسطة: صلى الله عليه وسلم
بتاريخ: الإثنين، 12 سبتمبر 2011 - 04:38

والله العظيم انى بجد ضحكت على تعليقك بجد شكرااا



6

كل ثورة وانتم طيبين


بواسطة: علاء الدين
بتاريخ: الإثنين، 12 سبتمبر 2011 - 04:39

هذه كانت بروفة للثورة
نراكم إن شاء الله في ثورة مصر الحقيقية



7

عليه العوض


بواسطة: المعتصم بالله
بتاريخ: الإثنين، 12 سبتمبر 2011 - 04:40

استبدلنا مبارك وعصابته بعصابة جديده


8

نعم!2012؟


بواسطة: عمر بدوي
بتاريخ: الإثنين، 12 سبتمبر 2011 - 04:44

وانتو أيه الى هيقعدكوا ل 2012 انتو آخركوا السنه دي بدل لما يجي 2012 تلاقوا نفسكوا مع الى بالى بالك .

في انتخابات يا سيد ،في دولة يا بيه ،في شعب يقرر مصيرة يا حاج.

بلاش هذيان قبل الفطار


9

7aram


بواسطة: bouthaina
بتاريخ: الإثنين، 12 سبتمبر 2011 - 04:58

انتم لسة قاعدين لحد 2012 يا رب ارحمنا انشر بقى



10

واحد قال لا


بواسطة: واحد قال لا
بتاريخ: الإثنين، 12 سبتمبر 2011 - 04:59

77% قالوا نعم علشان الاستقرار ..اشربوا ، 77% قالوا نعم علشان الجيش يمشي بسرعة ..اشربوا ، 77% قالوا نعم للدين ..اشربوا


11

فى اضيق الحدود


بواسطة: مصرى
بتاريخ: الإثنين، 12 سبتمبر 2011 - 05:12

يجب العمل بقانون الطوارى فى اضيق الحدود وقد استغل البعض مناخ الحريه والتعبير اسو ا استغلال


12

1


بواسطة: احمد
بتاريخ: الإثنين، 12 سبتمبر 2011 - 05:20

تمام


13

حد يفكرنى


بواسطة: Bahy
بتاريخ: الإثنين، 12 سبتمبر 2011 - 05:24

حد يفكرنى كده احنا عملنا ثوره ليــــــــه ...!؟


14

لا نهاية لمبارك....


بواسطة: احمد عبد الحميد
بتاريخ: الإثنين، 12 سبتمبر 2011 - 06:14

اسف للراحل فؤاد المهندس ولكن فعلا
X HAS NO END


15

نعم


بواسطة: احمدعبدالعال
بتاريخ: الإثنين، 12 سبتمبر 2011 - 06:15

نعم وبكل حزم عشان مجموعة البلطجيه والماجورين وعملاء الامريكان والصهاينه نعم للاستقرار نعم الى جيشنا العظيم كما ارجوا الا يسمع الى نباح الكلاب الضاله هى صوتها عاليا ولكن ان رات عصا غليظه سوف لن نراها بعد زلك


16

لحد يوم القيامه


بواسطة: ممممممممممم
بتاريخ: الإثنين، 12 سبتمبر 2011 - 06:18

نستاهل نتحكم بقانون الطوارئ لحد يوم القيامه مش بس لحد 2012 .... طالما مبنصونش النعمه ... لما جت لنا الفرصه نبقى بنى ادميين كلنا بقينا بلطجيه و كل واحد فاكر نفسه صاحب حق بقى يدور ياخد حقه ازاى بالقوه ... اللى يعمل اضراب ... و اللى يعمل اعتصام ... و اللى يقطع الطريق
طالما احنا ناس منعرفش الا مبدأ اخد حقى بدراعى يبقى نستاهل اننا نتحكم برضوا بالقوه اللى هى قانون الطوارئ
طالما اكدنا النظريه اللى اتقالت علينا من زمان اننا شعب العصا تفرقنا و الطبله تجمعنا يبقى احنا عملنا فى نفسنا كده و نستاهل اكتر من كده
انا عن نفسى موافقه على قانون الطوارئ لو هيخلينى انام فى بيتى و انا مرتاحه من غير ما اقوم اتأكد ان الباب الحديد مقفول بالقفل و باب البيت متسلسل بالسلسله
موافقه على قانون الطوارئ لو هو ده اللى هيخلينى اسيب بنتى تلعب فى الجنينه من غير ما اقف على بعد متر واحد منها و كمان مش مضمون اقدر احميها
موافقه على قانون الطوارئ لو هيخلينى اقدر اخرج من البيت من غير ما قلع دبلة جوازى لانى خايفه اتخطف بسببها
موافقه على قانون الطوارئ لو هيشيل الرعب اللى فى قلبى كل ما اخرج من باب البيت و اتشاهد و احمد ربنا انى رجعت سليمه كل ما ارجع بيتى
موافقه على قانون الطوارئ اللى يخلينى اقدر اسيب بنتى تركب باص المدرسه زى الاول بدل ما ابوها كل يوم لازم يوصلها بنفسه لحد باب الفصل مش باب المدرسه
يمكن تكون معظم اسبابى شخصيه لكن كل واحد دلوقتى عنده اسبابه الشخصيه اللى خلت معظم الشعب المصرى يقول
نعم لقانون الطوارررررررررررررررررررئ لو هو ده اللى مبنحترمش نفسنا و نحترم بلدنا الا بيه
اذا احنا شعب منعرفش الا العصايه فيا الف مرحببببببببببببببببببببببب بالعصايه
لو سمحت تنشر رأى ام مصريه بتحب مصر صحيح بس نفسى اعيش فيها مطمنه اكتررررررررررر


17

نعم للقانون الطوارى فى الوقت الحالى


بواسطة: نور
بتاريخ: الإثنين، 12 سبتمبر 2011 - 06:19

يا جماعه انتوا مش شيفين البلطجيه عملين ايه فى البلد فى ناس خرجوهم البلطجيه من شققهم وشردوا ازواجهم واولادهم وقعدوا فيها ويا اما تدفع 5000 الاف جنيه يا اما مفيش شقه بلطجه ومحدش قادر يعملهم حاجه كل يوم نسمع بلطجى قتل فلان وبلطجى قتل ومثل بجثه للارهاب اهالى المنطقه يبقى الحل قانون الطؤارى يفضل مؤقتا لردع الناس دى


18

فلة خالص


بواسطة: AMEER
بتاريخ: الإثنين، 12 سبتمبر 2011 - 06:29

كده عليه العوض في الثورة رسمي


19

من امن العقاب إساء الادب


بواسطة: مصطفى حسين
بتاريخ: الإثنين، 12 سبتمبر 2011 - 06:29

فعلا إحنا شعب فرعونى مينفعش نمشى من غير العصا


20

نعم ومليون نعم لقانون الطواراىء ضد البلطجية والارهاب وكل من يخرب فى هذا البلد مصلحة الوطن


بواسطة: مصرييييييييييييييييييييييييييييييييييييييييييييين مخلصين لهذا الوطن
بتاريخ: الإثنين، 12 سبتمبر 2011 - 06:29

نعم نعم نعم ومليون نعم لتطبيق قانةن الطواارىء على البلطجية وكل من يثير الشغب وكل من يخرج عن القانةن وكل من يعكر صفوة هذا الوطن والمصريين ولابد ايضا من تفعيل جهاز الامن الوطنى ووضع كل قيادات الحز المنحل والفلول والسلفيين والمسيحيين والمتطرفين وحركة 6 ابريل وكفاية وغيرهم تحت المراقبة والا البلد هتخرب هتخرب هتخرب


21

لحد 2012 بس وبقولها من دلوقتي مش حاجدد تاني


بواسطة: اسامه
بتاريخ: الإثنين، 12 سبتمبر 2011 - 06:38

الكلام دا حد سمعه قبل كدا اظن من 30 سنه



22

الى د محمد البرادعى وغيرة المحترمين=اين كنت حضرتط فى ال48 ساعة الماضية وشعب مصر حزين


بواسطة: ابراهيم الهوارى
بتاريخ: الإثنين، 12 سبتمبر 2011 - 06:38

سؤال مطلوب لة جواب هل لو قدر اللة حصل حاجة اكبر من زالك كنت حتقول اية كنت مسافر ولاكنت بعافية هدا السؤال لك وللزين ظهروا هدة اللحظة كانوا فين لما افراد وضباط شرطة مصر اتهانت وتكدر الامن والجيش العظيم يتحمل ملايطاق ان يتحملة بشر لاكن قدر علية ان يتحمل لان مصر امانة فى عنقة وهو اهل لزالك =انا اقول لكم سامحكم اللة لان شعب مصر حزين على تخريب الممتلكات الخاصة والعامة واحنا اقتصادنا مهزوز =سامحكم اللة خرجتم بعد 48 ساعة من الاحداث المشؤومة ولما ظهرتم قلتم مصر مش عجبانا =سبحان اللة ولااعتراض


23

نعم والف نعم ولا يصح غير الصحيح


بواسطة: محمد عادل
بتاريخ: الإثنين، 12 سبتمبر 2011 - 06:41

نعم لقانون الطوارء واشد القوانين الرادعة البلد فى حالة فوضى عارمة ولابد من لم البلطجية ول خايف يحترم نفسه ويتلم لاديمقراطية بدون امان وحريه مش بلطجة وفتونة ونقول ديمقراطية اذا كانت دى الديمقراطية بلاها


24

حسبي الله و نعم الوكيل


بواسطة: امير
بتاريخ: الإثنين، 12 سبتمبر 2011 - 06:44

اقتحام الجزيرة من عناصر الامن القومي اقتحام مبني الادلة الجنائية تفعيل قانون الطوارئ .....امن الدولة حمدالله على السلامة بس ملحئتوش توحشونا بصراحة هو اللي حصل في 25 يناير كان عيد القطن ولا ايه؟

26

ده أقل واجب


بواسطة: شريف
بتاريخ: الإثنين، 12 سبتمبر 2011 - 06:51

بردو ده أقل واجب

27

اه يا بلد


بواسطة: راجل صعيدى
بتاريخ: الإثنين، 12 سبتمبر 2011 - 06:52

نعم مع رقم 16 نعم للامان فالامن من نعم الله العظيمه قال رسول الله -( من أصبح منكم آمناً في سربه ، معافى في جسده ، عنده قوت يومه ، فكأنما حيزت له الدنيا )). هو دى النعيم -امن +صحه+قوت يوم بيوم=الدنيا كلها -هل هناك شئ اجمل من هذا


28

برافو 16


بواسطة: نور دياب
بتاريخ: الإثنين، 12 سبتمبر 2011 - 06:58

بجد لات تعليق ابلغ من تعليقك.


29

الشعب المصرى ميجيش معاة غير قانون الطوارء


بواسطة: ابن دمياط
بتاريخ: الإثنين، 12 سبتمبر 2011 - 07:16

هوا دة الشعب المصرى وجيين تقولو ثورة احنا كشعب مصرى منجيش غير بالضرب الطيب نركبه انتو يا بتوع الثورة الله يخرب الثورة والا عملوها الشعب معتش لاقى ياكل حرام عليكم ايما مبارك مع انه كان بايع الدوله بس كنا لقيين ناكل عملتو ايه يا بتوع الثورة الموظفين فى الدوله اخدو ايه زودو روا تبهم مستحيل احنا بنسمع كلام وخلاص حرام عليكم كل واحد يشوف مصلحته لازم قا نون الطوارء


30

استغفر الله يا صاحب التعليق رقم 5


بواسطة: مستشار قانونى بالخارج
بتاريخ: الإثنين، 12 سبتمبر 2011 - 07:17

الى صاحب التعليق رقم 5 يا عم اتقى الله حتى ولو اسمك محمد ما ينفعش تسمى نفسك صلى الله عليه وسلم لآن الله وملائكته يصلون على النبى وانتى مش نبى والصلاة الوحيده اللى هاتصلى عيك هى صلاة الجنازة وسوف يصلى عليك فيها البشر وليس خالق البشر اتق الله واتق يوما ترجع فيه الى الله


31

هل الجمعة الماضية هى حادثة المنشية 2011


بواسطة: سالم المصري
بتاريخ: الإثنين، 12 سبتمبر 2011 - 07:19

وهل سوف يتم تمرير هذا السناريو كما مر السابق الدور على الشعب


32

الثورة ماتت


بواسطة: محمود
بتاريخ: الإثنين، 12 سبتمبر 2011 - 07:20

******* موعدنا الجمعة القادمة**** جمعة تحديد المصير***** لوضع جدول زمني لنقل السلطة


33

الى تعليق 5 هذا حرام تخاسب علية


بواسطة: محمد الاسكندرانى
بتاريخ: الإثنين، 12 سبتمبر 2011 - 07:26

لا يصح ان تكتب اسمك : بواسطة صلى اللّه علية وسلم لانك أخذت مكان الرسول علية أفضل الصلاة والسلام. اتمنى ان تكون غير مقصودة . وارجو من الكنترول مسح تعليق 5 مع تحياتى


34

انقذووووناااااااااااااااااااااااااااااااااااااااااااااا قبل وقوع الكارثة..................


بواسطة: مواطنة سكندرية مهددة بانهيار منزلها انقذوووونااااااااااااااااااااااااااااااااااااااااااااا
بتاريخ: الإثنين، 12 سبتمبر 2011 - 07:29

هناك برج سكنى يبنى بشارع 29 خلف مدرسة سبدى بشر الاعدادية بنات اسمه برج الهنا وهو فى الحقيقة برج الخراب لانه عرض العمارات المجاورة للتصدع بسبب الحفرالعميق علما بان عرض الشارع لا يتجاوز 6 امتار فكيف حصلوا على الترخيص؟ وحين تحدثنا معهم قالوا اللى يقدر على حاجه يروح يعملها لاننا مظبطين الحى كله ؟؟؟؟؟؟؟؟؟؟؟؟؟؟؟؟؟؟؟
برجاء اعتبار دة بلاغ للمحافظ ....هل سيقدر على حمايتنا قبل وقوع الكارثة و نصبح ضحايا؟؟؟؟؟؟؟؟؟؟؟؟



35

ثورة بجد


بواسطة: ثورة بجد
بتاريخ: الإثنين، 12 سبتمبر 2011 - 07:30

مبـــــــــــــــــــــــــــــــــــــــــــــــــــــــــــــــــــــــــــــــارك = بطـــــــــــــــــــــــل (يتاما مبارك)
الشعـــــــــــــــــــــــــــــــــــــــــــــــــــــــــــــــب المصري = ريعــــــــــــــــــــــــــــاع (بارك)
الاعــــــــــــــــــــــــــــــــلام الجذاب للمشــــــــــــــــــــــاهد = (ممـول من قطــــــــــــــــــــــــر)
السلــــــــــــــــــــــــــــــــــــــــــــــــــــــــــــــــــــــــــــــمية = فرصة (فلـــــــــــــــــــول النظام)
جمــــــــــــــــــــــــــــــــــــــــــــــــــــــــــــــــــــــال مبارك = رئيـــــــــــــــــــــــس مصر القادم
المعـــــــــــــــــــــــــــــــــــــــــــــــــــــــــــــــــــــــــــاونة = احتلال امـــــــــــــــــريكي عن بعد
الجــــــــــــــــــــــــــــــــــــــــــــــــــــــــــــــــــــــــــــزيزة = سياسية قطرية علي ارض مصرية
المحاكمــــــــــــــــــــــــــــــــــــــــــــــــــــــــــــــــــــــــــة = هههءءء طـــــــــــــــــــــــولة العمر
الفلــــــــــــــــــــــــــــــــــــــــــــــــــــــــــــــــــــــــــــــول = الشعــــــــــب المصري الغني والفقير
التليفزيون المصــــــــــــــــــــــــــــــــــــــــــــــــــــــــــري = يقفل احسن ويوفر ديه فلوسنــــــــــا

ثـــــــــــــــــــــورة من غير زعيــــــــــــــــــــــــــــــــــــ،م = احتجـــــــــــــــــــــــــــــــــــــاجات

ومش عاوزين ثورة عاوزين الكل يشتغل الكبير والصغير براتب كبير ولا راتب صغير العمل مهم للانسان بجد - بس يكون الانسان منتج انا عايش برة والكل في كل حده في العالم بشتغل بجد ويا ريت حد يفهم معني العمل بجد ومش شرط شغل 24 ساعة يكفي 8 ساعات او 6 ساعات بس يكون بجد
انا مؤيد غلق كل القنوات الخاصة بتاعت التوك شوز وجعو دماغنا وعمرهم ما حالو شيء بيخدو فلوس علي حساب الشغب بالملايين او فرض عليها تقديم التسلية فقط ومش من حقها اللعب علينا وخصوصا التي بتمويل رجال اعمال ودول خارجية و منع الكلام في السياسية نهائي من مصر علي كل المستويات
انا مؤيد لقانون الطوارءي جدا جدا حتي لو فيه ظلم لحد ومفيش مشكلة في الظلم الي اللي مش فاهم وبيتكلم بس يكون فيه امن



36

ما لسه بدرى.


بواسطة: WALEED HAMMAM
بتاريخ: الإثنين، 12 سبتمبر 2011 - 07:41

خليكوا جاعدين والله مانتو جايمين......
ال6 شهور خلصوا سلموا البلد لسلطة مدنية بقى و خلصونا.


37

قاعده عسكريه : الحسنه تخص والسيئه تعم ! !


بواسطة: جيوشى
بتاريخ: الإثنين، 12 سبتمبر 2011 - 07:42

نعم للحكم العسكرى لمصر . . نعم للاستقرار . . لاللدوله المدنيه . . لا للدوله الدينيه .


38

كلمه حق يجب ان تقال


بواسطة: msaleh
بتاريخ: الإثنين، 12 سبتمبر 2011 - 07:46

انا ليس رجل سياسي ولا معارض ولا اي شئ خالص بس اقتحام الشعب لسفارة اجنبيه غلط وغلط كبير خلي منظر البلد زي الزفت ومنظر الامن بقي هباب فكان يجب تطبيق قانون الطواري اما بالنسبه لقناة الجزيرة ايه المشكله لما قناة تتقفل طالما بيطبق قانون اما دوله تعتذر لقناة ديه مصيبه وعيب في حق شعب فكر انه يطبق قانون مش الثورة قامت علشان كدة بردة ولا ايه يامعلم عوا .

حسن شئ عملها المجلس العسكري انه فعل قانون الطواري في هذة الظروف التي تمر بها البلاد وكان المفروض تطبق من بدري .

واللي بيحب هذة البلد يجب حمايتها استحلفكم بالله يا ايها الشعب العظيم يا خير اجناد الارض اتقو الله في بلدنا مصر وحبوها اكتر وخافو عليها.

اخوكم في الله محمد مصري


39

القضاء على البلطجة وعودة الاستقرار وهيبة الدولة اهم مطالب الشعب المصرى


بواسطة: المصرى
بتاريخ: الإثنين، 12 سبتمبر 2011 - 07:47

عجب العجاب ان يستضيف امس التليفزيون المصرى وزير الداخلية الحاج عيسوى ويقول لة ان الام متواجد واننا منتظرين عربيات تيجى من الخارج علشان نركب فيها الامن وننشر الامن امن اية الى بيتقول علية لايوجد امن لكى يقف الشعب بجانب الامن لابد ان يحس الشعب ان الامن يقف بجانبة ويقضى على مظاهر البلطجة اين المباحث اين قوات الامن المركزى اين الخطط الامنية اين الاكمنة الثابتة والمتحركة وزير عجيب مذيع يقول لة السلاح انتشر فى مصر ويرد علية يقول لة السلاح عزوة يااخى حرام عليك ضيعت هيبة الدولة نريد وزير داخلية قوى بمنظومة جديدة وفكر جديد نريد نشر الامن وفرض هيبة الدولة والقضاء على البلطجة ساعتها يقف الشعب بجانب الامن اين الاستقرار وعوجة الحياة الطبيعية والاستثمار والانتاج ونهضة مصر كل هذا ياسادة لايكون الا من خلال الامن وفرض هيبة الدولة
انشر ياعم خلى فية ديمقراطية


40

النيجر


بواسطة: Aladdin
بتاريخ: الإثنين، 12 سبتمبر 2011 - 07:48

أنصحك ياحاج شاهين دراسه الجو فى النيجر يمكن تكون المستشار القانونى لأحد أبناء القذافى هناك.


41

يا حلاوة :d


بواسطة: محمد سامي
بتاريخ: الإثنين، 12 سبتمبر 2011 - 07:48

دول شكلهم مطولين فالقعدة :d
بس شعب مصر كدا ميجيش الا بكدا
والناس البلطجية كانو قاصدين كدا عشان الناس الجهلة تقولك ( فينك يا مبارك عيشتك كانت امن وامان )
وعجبي :d


42

أرفض


بواسطة: السيد
بتاريخ: الإثنين، 12 سبتمبر 2011 - 07:49

أرفض ذلك


43

شكروتقدير للأم المصرية رقم 16


بواسطة: د / محمدإبراهيم السيد
بتاريخ: الإثنين، 12 سبتمبر 2011 - 07:58

يااختى الفاضلة كلامك صحيح مائة فى المائة .واحب اوضح ان هذة الثقافة المصرية ليست من الان ولكن من ايام الفراعنة .ولا نستغل ابدا الفرصة لنكون اداميين مثل باقى الشعوب فهية ثقافة وتربية هزيلة .لماذا لانحترم أدميتنا ونكون صادقين فى التعامل والكلام وفى شتى امور حياتنا وهذة صفة واحدة وهى صفة الصدق فمابالك لو طبقنا جميع صفات المسلم الحقيقى الذى يخاف الله ويعمل بسنة نبية المصطفى صلى الله علية وسلم .فيجب ان يكون العقاب رادع لكل من تسول لة نفسة ترويع الامنين .ومن يحترم نفسة لا يجد سوى الاحترام سواء قانون الطوارى موجود او غير موجود لان ذلك يرجع على عاملين اولا المواطن وثقافتة ثانيا على من يطبق القانون ولا ناخذ جانب ونترك جانب فيكون العيب فى الشرطة ومن يطبق القانون فقط



44

الله يرحم ايامك يامبارك


بواسطة: واحد بيحب مصر
بتاريخ: الإثنين، 12 سبتمبر 2011 - 07:58

فينك ياعم حسني مصر اتبهدلت بعدك انشر ياكوووووول


45

نعم لقانون الطوارىء حتى يستقر امن الوطن


بواسطة: محمد صابر
بتاريخ: الإثنين، 12 سبتمبر 2011 - 07:59

نعم لقانون الطوارىء حتى يستقر امن الوطن


46

تحية للتعليق رقم 16


بواسطة: محمد المصرى
بتاريخ: الإثنين، 12 سبتمبر 2011 - 08:00

قولتى كل اللى فى قلوب المصريين فى الوقت الحالى هو ده نبض الشارع المصرى دلوقتى
و سيبكم من صفجات و تعليقات الفيس بوك المشبوهه و فضائيات الفتنه

و الناس اللى مش عاجبها الخبر سابت الخبر كله و مسكت فى يونيو 2012 !!
ده كمان 9 أشهر مش 90 سنة !!!!
ولا عايزين فوضى خلال انتخابات مجلس شعب و شورى و رئاسه و دستور و بعدها ترجعوا تعترضوا على نتائج الأستفتاءات ؟؟
ارحموووووووووونا بقى


47

مع إستمرار المجلس العسكري


بواسطة: محمد
بتاريخ: الإثنين، 12 سبتمبر 2011 - 08:03

ياريت الشعب يرحمنا بقا من الهمجيه اللي فيه علشان الأخوه بتوع حموم الإنسان ميعترضوش ونشوف أخر للمرحله اللي مش باينلها دي


48

اعتقد انها 2020


بواسطة: عز الدين
بتاريخ: الإثنين، 12 سبتمبر 2011 - 08:03

لحد 2012 بس علشان خطرى والبني استمروا حتى 2020 علشان انا لسه مخطط اتجوز واخلف بنت واسميها طواريء علشان انا بحب الطوارىء موت وسلملى على الترماى


49

قرار سليم احنا شعب فرعونى


بواسطة: shago
بتاريخ: الإثنين، 12 سبتمبر 2011 - 08:08

الى التعليق رقم 15 و16 و23 و25 بصراحه احلى ردود جدعان ورجاله ومخكم صاحى


50

أتفضلوا


بواسطة: James Adam
بتاريخ: الإثنين، 12 سبتمبر 2011 - 08:11

أتفضلوا اشربوا الشاى شاي علي الشمس ما بيغلي إلي الأذل البلد بلدكوا ما انتوا قاعدين مستنين الشاي


51

قال العسكر انهم لن يستمروا اكثر من سته شهور وقالوا من سنه 1952انهم سيذهبون للقشلاقات


بواسطة: زكريا بكر علي ابراهيم 0124352204
بتاريخ: الإثنين، 12 سبتمبر 2011 - 08:11

قال العسكر انهم لن يستمروا اكثر من سته شهور وقالوا من سنه 1952انهم سيذهبون للقشلاقات وحسني اول قرار هوفرض الطواريئ واصبح يجددها حتي الان فربنا يتوب علينا بقي زكريا بكر علي ابراهيم 0124352204

52

قانون الطوارئ


بواسطة: مصرى
بتاريخ: الإثنين، 12 سبتمبر 2011 - 08:14


السواد العظم من الشعب المصرى يتمنى تطبيق قانون الطوارئ بشكل دائم على أعمال البلطجة والأرهاب وترويع الشعب الآمن ....

وبعدين اللى خايف يروح .. الناس الشرفاء لا يخشون قانون الطوارئ اللى بتطبقه أمريكا عند الطوارئ ..

ونرجو من الشرطة التصدى بحزم للبلطجة والآرهاب وإلا سنطالب بعودة حبيب العادلى الذى لديه القوة لتطبيق قانون الطوارئ بحذافيره ..

الشرفاء فى مصر يطالبون بتفعيل قانون الطوارئ حماية لأمن مصر من فلول النظام ومن أعداء البلاد .. ونرجو ان يتم الكشف لنا عن من يقومون من الخارج بتمويل الأرهاب فى الداخل ..


53

الله يرحم ايامك يامبارك


بواسطة: واحد بيحب مصر
بتاريخ: الإثنين، 12 سبتمبر 2011 - 08:19

فينك ياعم حسني مصر اتبهدلت بعدك انشر ياكوووووول


54

فى وجود حاله الطوارىء ,لايوحد انتخابات ! !


بواسطة: طارق
بتاريخ: الإثنين، 12 سبتمبر 2011 - 08:26

الكلام ده لغايه يونيو 2012 , ياريت القانون ده يستمر على طول وبلاها انتخابات . . نعم للاستقرار


55

الشبح


بواسطة: متغرب
بتاريخ: الإثنين، 12 سبتمبر 2011 - 08:27

ياترى اخر ميعاد لهذا الشبح 2012والا2120


56

المعنى فى بطن الشاعر


بواسطة: مبروك المجلس العسكرى
بتاريخ: الإثنين، 12 سبتمبر 2011 - 08:27

ماذا يعنى تفعيل قانون الطوارئ إلى يونيو 2012 هل يعنى أستمرار المجلس العسكرى حتى هذا التاريخ ؟ و لماذا لم يتم تحديده لحين إجراء إنتخابات الرئاسة و تسليم السلطة ؟


57

قانون الطؤرى


بواسطة: امانىيونس
بتاريخ: الإثنين، 12 سبتمبر 2011 - 08:30

البلد لسة تبقى من غير رئيس حتى شهر 6 لسنة 2012 والشعب يستحمل تصروفات المجلس العسكرى ولا كرسى الرئيس له اغراءات اخرى


58

اللهم وفق المجلس العسكري وجيش مصر العظيم


بواسطة: ابو مروان
بتاريخ: الإثنين، 12 سبتمبر 2011 - 08:30

نعم والف نعم لقانون الطوارئ نعم لستقرار البلد اللهم احفظ هذا البلدووفق جيشة العظيم


59

الى كل الناس المعترضة


بواسطة: fares
بتاريخ: الإثنين، 12 سبتمبر 2011 - 08:36

نفسى افهم الشعب عاوز ايه !! لازم يعيش فى فوضى وخراب علشان يسكت وميعترضش
لماذا كل هذه الانفلاتات الامنية والحياتية والشخصية كل شخص يريد ان يكون هو حاكم نفسه فى قانون الغاب يأخذ حقه بدراعه ويعيث فى الارض فسادا وعندما تتحرك الحكومة لحماية باقى الشعب تكون هذه الحكومة ضد الثورة وضد الحرية ؟ هل الحرية معناها البلطجة والتباهى بالمعصية والجهر بها ؟ هل الحرية معناها التهجم على خلق الله .؟ هل الحرية معناها ان كل مواطن يحمل سلاح ويقتل من ليس على هواه ؟ اعتقد ان هذا كله لا يمت الى الحرية والا العدالة بصلة وانا مع تفعيل قانون الطوارئ على المجرمين والمنحرفين وللجيش والشرطة كل الشكر على التحلى بقمة ضبط النفس والتحمل الخارج عن طاقة اى انسان فالجيش فعلا انهكت قواه فى الاشهر القليلة الماضية فلهم الشكر


60

نعم لقانون الطوارئ


بواسطة: محمد
بتاريخ: الإثنين، 12 سبتمبر 2011 - 08:39

نعم نحن معكم لتطبيق قانون الطوارئ
هذا شعب فرعوني ماينفع معة غير الجرباج
الحرية ليست لنا


61

لسة لحد 2012 ؟؟


بواسطة: Ahmed
بتاريخ: الإثنين، 12 سبتمبر 2011 - 08:39

هو العسكر حيكونو لسة قاعدين علي قلبنا لحد 2012 ؟ يا رب كملها علي خير


62

ايه الحل ؟؟


بواسطة: walid
بتاريخ: الإثنين، 12 سبتمبر 2011 - 08:44

نرجوا من كل شخص ينتقد الاجراءات الحاليه التى اتخذها المجلس العسكرى والحكومه ان يسأل نفسه اولا قبل ان ينتقد :: ماهو الحل من وجهة نظره لهذا العبث بمصير بلد وشعب ماهو الحل فى الاستهتار بمقدرات الشعب ماهو الحل فى البلطجه وغيرها من اشكال الانفلات الامنى .. مصر ومستقبل مصر اهم الاف المرات من هذه الحريات التى تتشدقون بها واهم الف مره من مجموعة اشخاص لايراعون الا مصالحهم الشخصيه


63

اخلاق


بواسطة: خليفه
بتاريخ: الإثنين، 12 سبتمبر 2011 - 08:48

مش عايزين قانون طوارق عايزين قانون اخلاق.



64

اصحوا اصحوا شوف مصر راحة علي فين لازم قانون الطوارئ


بواسطة: شريف المصري
بتاريخ: الإثنين، 12 سبتمبر 2011 - 08:57

نعم والف نعم شوف البلد حصل فيها اية من جرائم وبلطجة واغتصاب وسرقة من يوم الثورة معدل الجريمة زاد ودا بفضل الحرية وانا بقول بصفتي مصري لابد من العمل بقانون الطوارئ مع الخارجين عن القانون واللي يقول عكس كدا يبقي عارف نفسة وعجبي لازم تفعيل قانون الطوارئ لحد منشوف الامن والاستقرار من جديد وبعد كدا نبقي نلغية يمحترمين وبلاش العالم يفرح فينا اصحوا اصحوا


65

مع الطوارئ


بواسطة: خايف عليكي يامصر
بتاريخ: الإثنين، 12 سبتمبر 2011 - 09:06

انا عايز قانون الطوارئ ولو قدرتو اعتقال علي طول بدون كلام ايه اللي بيحصل مننا ده احنا الحضاره مش الهمجيه والبلطجيه والقتل والنهب ومظاهره كل يوم هو احنا خلاص فضينا للمظاهرات س كل اللي عايز حاجه واللي في دماغه حاجه من اي متن الاطراف السياسيه يدعو للمظاهره ويسموها مليونيه عايز اطرح فكره يوم جمعه حاولو تحاصروا المتظاهرين وتعدوهم يمكن يمكن يطلعو مليون ولو مليون يعبرون عن ارادة شعب عايزين نستقر لمصالحنا حرام ودون علي الاستقرار الاقتصادي



66

حاسب يا سياده اللواء


بواسطة: احمد
بتاريخ: الإثنين، 12 سبتمبر 2011 - 09:07

اللي حصل في البلد لايقع تحت بند الارهاب ده الارهاب بعينه وياريت يكون فيه اتقالات علشان شويه الغوغاء البلطجيه يريحوا البلد ويا ريت وانا احب انهم يحاكموا في محاكم عسكريه سريعه او محاكم ثوريه لانهم يريدون اسقاط وتدمير البلد والله ان لم تقضوا علي هذه الشرذمه الضاله فلن تستقيم الامور ولن ينصلح الحال واتمني ان كل من ضلع في هذه الفوضي ان ينال الحكم الرادع وبرافو علي هذا القرار والله يوفقنا جميعا في بناء الوطن والذود عن ثروات ابنائنا


67

اتقوا الله يا عسكر مصر


بواسطة: محمد فوزي
بتاريخ: الإثنين، 12 سبتمبر 2011 - 09:09

أولا: ما معنى أنكم ستحكمون البلد حتى 2012؟؟ أين وعودكم السابقة بفترة إنتقالية في حدود 6 أشهر ؟؟
ثانيا: يعنى ايه حق الإعتقال قائم ؟
مصر كلها دفعت تمن غالى قوي قوي من أرواح شهداء إلى الضرر الإقتصادي و السياسي و العسكري عشان نخلص من الاعتقالات و فرض الرأي بالسلطة و التعتيم الإعلامي
و مينفعش بعد كل ده نرجع للصفر
هذا وضع ينذر بالشؤم


68

نعم والف نعم لقانون الطوارئ الى مدى الحياه


بواسطة: ام مصطفى
بتاريخ: الإثنين، 12 سبتمبر 2011 - 09:11

احنا شعب لا ينفع فيه الديمقراطية === شعب غوغائى وهمجى
نعم والف نعم لقانون الطوارئ بس للعلم == الشعب كله ها يتسجن لانه كله بلطجى
ارحمونا ونفذوا قانون الطوارئ === رجعوا جهاز امن الدوله بقيادة رجل مثل صلاح نصر
خلصونا بقى ونفذوا القانون


69

إلى رقم 25: ليس لك الحق أن تدعي أن شخص ما غير مصري


بواسطة: يحي أيمن
بتاريخ: الإثنين، 12 سبتمبر 2011 - 09:11

إن مصر للمصريين. ومصر هي حاضنة الوطن العربي كله يامصري ياعربي واسأل أجدادك ولكن لا تسأل من هم حولك لأنهم قد يكونوا من هؤلاء الذين يخلطون الأوراق ويتناسون التفاصيل ويقولون غير الحق. وكلام رقم 1 صحيح مائة في المائة فعلى أي أساس يعطي المجلس مدة طويلة الأجل كهذه. نريد خارطة طريق واضحة من المجلس العسكري.


70

ياريت القانون ده


بواسطة: ابن مصر البار
بتاريخ: الإثنين، 12 سبتمبر 2011 - 09:14

عادي يعني 2012 مش بعيد دي كلها اقل من 3 شهور عبال ما تخلص انتخابات مجلس الشعب واحنا اساسا قدامنا سنة على ما يمسك رئيس جديد وداخل مدارس والبلطجة اخدت حقها من ساعة التنحي ومفيش امن ازاي تتعمل انتخابات بدون امن يعني واهو احسن من الاحكام العرفية ولو انه جزء منها بس في وقته بصراحة عشان المهازل ده تخلص لكن مش معنى كدة اننا ننام عن ثورتنا اللي تعبنا فيها وضحينا فيها بشهداء-نحسبهم كذالك ولا نزكيي على الله احدا-وترجع ريما لعادتها القديمة والاهم هم التحام القوى الوطنية اسلاميين وليبراليين وعلمانيين ونتناسى الخلافات زي ما كنا قبل التنحي ونفكر صح في مصلحة البلد قبل المصالح الشخصية والمظاهرات الفئوية دي لان خراب 30 سنة لا يمكن يتم بين يوم وليلة مع اني متعاطف معاهم بصراحة لانهم خايفين لا يطولوا لا بلح الشام ولا عنب اليمن فكله عايز يستفيد لانه اتعود على الالتفاف والخديعة من اصحاب النفوذ" لا تنازعوا فتفلشوا وتذهب ريحكم"


71

الكرور


بواسطة: عادل
بتاريخ: الإثنين، 12 سبتمبر 2011 - 09:18

قانون الطوري احسن شي لشعب المتسول لكل واحد يعرف يمش صح في البلد ول هي الدنبا سيبه لازم يكون حكم لشعب من حديد كل يوم تخريب الحكومه تكون اقوي من كده ولا عاشان شويه بلطجيه البلد فوض يكون الحكم المشدد لكل واحد يعمل غلط الحكم يكون قاس شويه علي كل واحد يتكلم في اي قناه كلام مشي كويس يخد عقابه شد حيلك يا مشير


72

هو مين اللى خايف من الطوارئ


بواسطة: محمود عبد الله
بتاريخ: الإثنين، 12 سبتمبر 2011 - 09:19

مين اللى خايف من الطوارئ ؟ مش هما اللى عايزين يخربوا البلد ويحرقوا اقسام الشرطة ويضربوا الامن والجيش وزعلانين ان الشرطة والجيش مش بتوزع عليهم شيكولاته
لازم يطبق قانون الارهاب كمان ضدد هؤلاء العملاء اللى شغلهم الشاغل هو خراب البلد
وشكرا للمجلس العسكرى وللشرطة رغم تأخر القرار



73

نعم للقانون الطوارى


بواسطة: مؤ من عبد الرازق بدوى
بتاريخ: الإثنين، 12 سبتمبر 2011 - 09:20

نننننننعم والف نعم عشان احنا مينفعش معنا غير كدة


74

للاسف احنا السبب


بواسطة: محمد
بتاريخ: الإثنين، 12 سبتمبر 2011 - 09:20

احنا السبب الهمجية والوقفات الاحتجاجية وقلة الادب وعدم احترام الاخرين وكل واحد مش عجبة حالة ياريت كل واحد يهتم بنفسة وطرقتة وعملة واكون محترم وبعدين ادور على على حق نصلح بنفسنا الاول


75

تحيه لصاحب التعليق رقم

_________________
الرجوع الى أعلى الصفحة اذهب الى الأسفل
غادة محمد
عسكري
avatar

3
انثى عدد الرسائل : 25
تاريخ الميلاد : 06/10/1985
العمر : 31
تاريخ التسجيل : 06/09/2011

مُساهمةموضوع: رد: قانون الطوارئ مستمر حتى يونيو 2012 واهم التعليقات علي القانون   الإثنين 12 سبتمبر - 19:55

احنا بنرجع ورا بالثوره
الرجوع الى أعلى الصفحة اذهب الى الأسفل
Maya Elsayed
عسكري
avatar

15
انثى عدد الرسائل : 45
تاريخ الميلاد : 05/07/1990
العمر : 26
تاريخ التسجيل : 30/07/2011

مُساهمةموضوع: رد: قانون الطوارئ مستمر حتى يونيو 2012 واهم التعليقات علي القانون   الأربعاء 14 سبتمبر - 7:32

احنا السبب الهمجية والوقفات الاحتجاجية وقلة الادب وعدم احترام الاخرين وكل واحد مش عجبة حالة ياريت كل واحد يهتم بنفسة وطرقتة وعملة واكون محترم وبعدين ادور على على حق نصلح بنفسنا الاول
الرجوع الى أعلى الصفحة اذهب الى الأسفل
 
قانون الطوارئ مستمر حتى يونيو 2012 واهم التعليقات علي القانون
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» المليسة
» ماذا سيحدث في عام 2012
» ديكورات داخلية رائعة
» صور x صور 2012
» توبيكآت آنسآنه تحس آنهآ شيء غآلي

صلاحيات هذا المنتدى:لاتستطيع الرد على المواضيع في هذا المنتدى
فضفضه :: منتدي نشره اخبار فضفضه :: اخبار اهرام جمهوريه-
انتقل الى: